Ons Skool

Boodskap van die hoof

Langenhoven Gimnasium is die Eerste keuse skool in die Klein-Karoo / Suid-Kaap waar Afrikaans die taal van onderrig is en waar daar na uitnemendheid gestreef word. Ons streef na Christelike waardes en norme en skep ‘n atmosfeer waar respek en dissipline belangrik is. Ons uitgebreide vakkeuse maak dit moontlik om in ‘n algemene, tegniese of handelsrigting te studeer.

Ons beskik oor uitstekendtoegeruste klaskamers en tegniese laboratoriums (werkswinkels), waar leerlinge hulle volle potensiaal bereik. ‘n Gebalanseerde program van akademie, sport en kultuur maak deel uit van die totale ontwikkeling van leerlinge. ‘n Gesonde en veilige omgewing met ‘n netjiesontwikkelde terrein maak kindwees volmaak. Ons beskik oor goedtoegeruste seuns-, dogters- en laerskoolkoshuise waar baie leerlinge uit die platteland gehuisves word.

Langenhoven Gimnasium is ‘n skool met ‘n omgeehart, waar die uitstraal van liefde en goeie waardes sigbaar is in ons onderwysers en leerders. Alhoewel ons ook daarvan hou om op alle vlakke te presteer word daar ook groot klem gelê op betrokkenheid van ons leerders in al die aktiwiteite wat ons aanbied. Ons glo dat ‘n betrokke Gimmie ‘n gelukkige Gimmie is.

Gimmie-wees word ‘n leefwyse waar tradisies gevestig word en nog geslagte later gevier word – “Vreugde in Arbeid” word hier vervul.

Alewyn Vorster
wnde. Skoolhoof

Visie

Om as gerespekteerde instelling ‘n gesogte skool van keuse te wees.

Missie

Leerders: Veilige en gelukkige omgewing

Akademie: Waardegedrewe prestasie-onderrig

Sport: Uitmuntende prestasie en volgehoue deelname

Opvoeders: Spesialiste in hul vakgebied(e)

Skool: Finansieel en administratief sterk

Ouers: Gelukkig en betrokke

Gimmie-personeel

Akademiese personeel

Langenhoven Gimnasium skoolhoof
Alewyn Vorster

wnd. Skoolhoof

Annelie Knoetze

wnde. Adjunkhoof

Malem van Heerden

wnde. Adjunkhoof

Verster Eloff

Derpartementshoof

Quinten Bester
Rolanda Beukes
Santie Botha
Ellari Campbell
Gerbrand de Bruin
Christine de Jager
Linza de Kock
Roné de Villiers
Ronelle Engelbrecht
Helena Ewert
Kie-Mari Fouché
Anene Janse van Rensburg
Ben Janse van Rensburg
Leon Janse van Rensburg
Gerhard Loots
Elmarie Niehaus
Helouise Pretorius
DP Roets
Izanna Roets
Andreas Schultz
Sonnika Stemmet
Michael Stoop
Elzaan van Blerk
Celize van Heerden
Cameron Stronach
Dylan Bornmann
Ilke van der Linde
Jano Boshoff
Joanné Odendaal
Morné Pienaar
Tanya Whitehorn
Jano Boshoff

Administratiewe personeel

Ronel Venancio
Salomé Laubscher
Amelda Pepper
Alicia Barnard
Anel van Wyk
Henk van den Bergh

Ander belangrike gegewens

GODSDIENSBEOEFENING
Tensy ‘n ouer uitdruklik op die toelatingsvorm aangedui het dat daar beswaar is teen godsdiensbeoefening, moet ‘n leerder dié bedrywighede bywoon. Ons is ‘n christelike instansie wat daaraan glo dat ons ons christenskap op ‘n daaglikse basis prakties uitleef.

LIGGAAMLIKE OPVOEDING
Liggaamlike Opvoeding is as komponent van Lewensoriëntering verpligtend vir alle leerders wat nie om mediese redes vrygestel is nie. Leerders moet in die voorgeskrewe kleredrag liggaamsoefeninge doen. Indien ‘n leerder gedurende een spesifieke lesuur nie aan die oefeninge mag deelneem nie, moet die ouer sodanige leerder van ‘n brief ter verduideliking voorsien.

VAK- EN/BEROEPS- EN STUDIELEIDING
Bogenoemde word aan die leerders deur ‘n onderwyservoorligter, graadhoofde en elke vakondenwyser gegee. Ouers word uitgenooi om vakkeuses en probleme van leerders met ons te kom bespreek. Reëlings word via die skoolhoof getref. Persoonlike en individuele leiding word jaarliks aan leerders t.o.v. veral vak- en beroepskeuses gegee.

STUDIE
Daar is ‘n groot sprong tussen gr. 7 en gr. 8 en dit verg groot inspanning aan die kant van die leerder om gou en goed aan te pas. ‘n Graad 8-leerder behoort daagliks minstens 2.5 uur tuis aan skoolwerk te bestee. In die hoër grade moet hierdie ure geleidelik vermeerder word tot minstens 4.5 uur vir ‘n senior leerder. Hersiening moet ‘n integrale deel van elke dag se studiesessie vorm.

ONDERRIGGELD
Verpligte onderriggeld word gehef en is maandeliks, kwartaalliks of jaarliks vooruitbetaalbaar. Daar kan om ‘n korting of vrystelling van onderriggelde aansoek gedoen word. Hierdie aansoeke moet by die finansiële sekretaresse ingedien word. ‘n Bewys van die ouer(s) se bruto jaarlikse inkomste moet die voltooide aansoekvorm vergesel. Goedkeuring is net geldig vir die betrokke jaar waarvoor aansoek gedoen is.

BYWONING
Dit is absoluut noodsaaklik dat leerders die skool gereeld bywoon. Indien ‘n leerder om die een of ander rede afwesig is, moet hy/sy, wanneer hulle weer die skool bywoon, ‘n brief ter verduideliking bring.

DAAGLIKSE BUSDIENS
‘n Skoolbusdiens met ‘n vasgestelde roete vir dagleerders is beskikbaar. Skakel die skool vir meer inligting.

2024 Fooie
Skoolgelde R20,800.00
Eerste Paaiement R2,000.00
Per Maand R1,880.00
Per Kwartaal R4,700.00
Skoolbusse
Dorps per kaartjie R130.00
Tuisnaweek R485.00
Welpie Kamp R220.00
Lockers R160.00

Skooldrag

Dit is vir ons belangrik dat ons leerders netjies en mooi in ons skool- en sportdrag moet vertoon. Die dra van ons skoolbaadjie (blazer) is verpligtend vir alle leerders tydens saalopening. Alle leerders moet ook die voorgeskrewe Gimmie-rugsak gebruik.

Verskaffers van skool- en sportdrag:

De Jagers
Olivierstraat 15, Oudtshoorn, 6625
Telefoonnommer:   (044) 272 8487

Seuns

Somer

  • Wit skoolhemp met sakwapen. ’n Das moet saam met ’n langmou-dashemp gedra word.
  • Grys lang- of kortskoolbroek.
  • Grys sokkies.
  • Swart toerygskoene van gladde leer – nie stewels of skoene met gespes en gekleurde stiksels nie.
  • Oortrektrui (“pull over”).
  • Die skoolbaadjie is verpligtend tydens saalopening.

Winter

  • Skoolbaadjie (blazer) – verpligtend.
  • Langmoutrui en oortrektrui word onder die skoolbaadjie toegelaat.
  • Wit dashemp.
  • Skooldas.
  • Grys langbroek.
  • Skoene en sokkies soos by somerdrag.
  • Donkerblou skoolserp is opsioneel – word slegs saam met baadjie gedra.

Skoolsakke

  • Die voorgeskrewe skooltasse en rugsakke is by die verskaffer beskikbaar.
  • Geen ander tasse word toegelaat nie.
  • Slegs die leerder se naam mag op die buitekant van die tas aangebring word.

Dogters

Somer

  • Blou skoolrok (lengte: hoogstens 12 cm vanaf grondoppervlak, soos gemeet terwyl dogter op haar knieë staan).
  • Wit hemp met oopslaankraag. ’n Das moet saam met ’n langmou-dashemp gedra word.
  • Wit enkelsokkies.
  • Swart toerygskoene of skoolskoene met bandjie.
  • Donkerblou of swart haarrekkies, linte en haarknippies. Geen verlengstukke word toegelaat nie, ongeag of dit gevleg is of nie.
  • Oortrektrui (“pull over”).
  • Die skoolbaadjie is verpligtend tydens saalopening.

Winter

  • Skoolbaadjie (blazer) – verpligtend.
  • Langmoutrui en oortrektrui word onder die skoolbaadjie toegelaat.
  • Wit dashemp.
  • Skooldas.
  • Blougeruite skoolrok en lang, swart kouse of grys langbroek (dogtersnit) en grys sokkies.
  • Skoene soos by somerdrag.
  • Donkerblou skoolserp is opsioneel – word slegs saam met baadjie gedra.
  • Donkerblou of swart haarrekkies, linte en haarknippies. Geen verlengstukke word toegelaat nie, ongeag of dit gevleg is of nie.

Aansoekprosedures & Inskrywings

Aansoek om toelating tot Langenhoven Gimnasium.

 

Aansoeke vir 2025 kan in twee maklike stappe voltooi word.

(Beide stappe is verpligtend.)

 

Stap 1: WKOD-aanlynregistrasie

Vir die WKOD-aanlynregistrasie moet u die

  • WKOD-aanlynaansoek voltooi.
  • Afskrifte aanheg van: geboortesertifikaat of identiteitsdokument EN nuutste eksamenuitslae of skoolrapport. (Die gr. 6-vorderingsverslag MOET ’n gr. 8-aansoek vergesel.)

 

Besoek https://wcedonline.westerncape.gov.za/ of skandeer die QR-kode:

 

Stap 2: Skool se aanlynregistrasie

Vir die skool se aanlynregistrasie moet u

  • die skool se aanlynaansoek voltooi.
  • op dié aansoek aandui as u koshuisverblyf benodig
  • afskrifte aanheg van: geboortesertifikaat of identiteitsdokument EN nuutste eksamenuitslae of skoolrapport.

 

Besoek https://3520.d6plus.co.za/register/ en volg die stappe.

 

Rekenaarfasiliteite en bystand met die proses sal van 11 Maart af tydens skoolure by die skool beskikbaar wees vir ouers wat fasiliteite of hulp benodig.

Kontak ons