Dit is vir ons belangrik dat ons leerders netjies en mooi in ons skool- en sportdrag moet vertoon. Die dra van ons skoolbaadjie (blazer) is verpligtend vir alle leerders tydens saalopening. Alle leerders moet ook die voorgeskrewe Gimmie-rugsak gebruik.
Verskaffers van skool- en sportdrag:
De Jagers
Olivierstraat 15
Oudtshoorn
6625
Telefoonnommer: (044) 272 8487
Seuns
Somer
- Wit skoolhemp met sakwapen. ’n Das moet saam met ’n langmou-dashemp gedra word.
- Grys lang- of kortskoolbroek.
- Grys sokkies.
- Swart toerygskoene van gladde leer – nie stewels of skoene met gespes en gekleurde stiksels nie.
- Oortrektrui (“pull over”).
- Die skoolbaadjie is verpligtend met saalopening.
Winter
- Skoolbaadjie (blazer) – Verpligtend.
- Langmoutrui en oortrektrui word onder die skoolbaadjie toegelaat.
- Wit das-hemp.
- Skooldas.
- Grys langbroek.
- Skoene en kouse soos by somerdrag.
- Donkerblou skoolserp is opsioneel. – word slegs saam met baadjie gedra.
Dogters
SOMER
- Blou skoolrok (lengte: hoogstens 12 cm vanaf grondoppervlak, soos gemeet terwyl dogter op haar knieë staan).
- Wit hemp met oopslaankraag. ’n Das moet saam met ’n langmou-dashemp gedra word.
- Wit enkelsokkies.
- Swart toerygskoene of skoolskoene met bandjie.
- Donkerblou of swart haarrekkies, linte en haarknippies. Geen verlengstukke word toegelaat nie, ongeag of dit gevleg is of nie.
- Oortrektrui (“pull over”).
- Die skoolbaadjie is verpligtend met saalopening.
Winter
- Skoolbaadjie (blazer) – Verpligtend.
- Langmoutrui en oortrektrui word onder die skoolbaadjie toegelaat.
- Wit das-hemp.
- Skooldas.
- Blougeruite skoolrok en lang, swart kouse of grys langbroek (dogtersnit) en grys sokkies.
- Skoene soos by somerdrag.
- Donkerblou skoolserp is opsioneel – word slegs saam met baadjie gedra.
- Donkerblou of swart haarrekkies, linte en haarknippies. Geen verlengstukke word toegelaat nie, ongeag of dit gevleg is of nie.
Skoolsakke
- Die voorgeskrewe skooltasse en rugsakke is by die verskaffer beskikbaar.
- Geen ander tasse word toegelaat nie.
- Slegs die leerder se naam mag op die buitekant van die tas aangebring word.
Sportdrag
Liggaamlike Opvoeding (Komponent van Lewensoriëntering)
- Donkerblou kortbroekie.
- Blou GIM-sporthemp.
- Sportskoene en kort wit, sokkies (opsioneel)
- Skoolsweetpakbroek (donkerblou) en sportbaadjie.
Alle sportsoorte
- Donkerblou kortbroek.
- Skoolsportsak.
- Donkerblou skoolsweetpakbroek.
- Sportbaadjie.
- Blou Gim-sporthemp.
- Kort donkerblou (navy) “ski-pants” onder rompie en kortbroek – opsioneel.
Elke sportsoort het voorgeskrewe drag wat deur die betrokke sportorganiseerder aan die leerders deurgegee sal word.
